對上一次寫xanga，竟然係一個月前~~~!?!?!?!?

不過其實日日都係返工放工，無咩特別野寫~~

最想講ge係上星期去左紅磡一間餐廳開組~~~~

"Amazing Place"  
一間基督徒開GE餐廳~~不過o個度亦都係一個教會，經常有聚會~~~

我去o個晚就咁o岩有一班年青人輪住出黎唱歌，講見證~~~~
嗯~~唔知係咪隔離飯香，我覺得佢地d歌好好聽~~真係好好聽~~
不過首歌好聽同佢地唱得好聽係兩回事~~~當然，佢地都唱得唔錯~~

佢地ge分享我都覺得好好呀~~~可能都係年青人，又唔會講得好肉麻，
我到宜家都好記得有個女仔講唔好求每件事都順順利利，因為神無應允過每事都如我地所願~~
但係你可以祈求每件事都有神ge恩典~~因為聖經話"我的恩典夠你用"
要遇到ge事係你極唔想發生，令你好唔開心~但係神ge恩典就叫你去學習，去經歷~~

o係私家房做，比起大房好似無佢地見識咁多，好似無學到咁多野，好似好hea咁~
但係個ward細，每更ge人少，尤其之前ge賣豬潮，學識要獨立，唔好事事靠人地，要學識自己話事，唔好懼首懼尾~~~li個係神ge恩典~~!!

宜家份糧多左，但係屋企成日都發生意想不到ge事，d錢好似倒水咁用
但係又真係樣樣都o岩o岩好~~~li個係神ge恩典~~!!

嗯~~ li 間amazing place都ok~~~~環境ok~~不過如果食物可以再好d就好喇~~~
因為真係太普通~~~~~

ICU係一個學到好多野ge地方，如果d姑娘得閒教ge話........

雖然ICU好多好特別ge野，不過佢俾我ge感覺太唔好喇......
第一次入ICU係QH ge ICU...見到意外後ge姊姊...........腫到差d忍唔到佢..

之後就係賣豬仔ge時候.............見到d屋企人好似好無奈咁對住個插晒喉，無咩反應ge病人.....

有次見到個pt應該差不多要走.....已經無咩反應.......
pt個女就好驚.....每隔一陣就好大聲咁叫"呀媽".....
o係度忙緊ge我，真係覺得佢好煩.....
但係....我諗佢真係好唔想佢媽媽離開，要叫住佢返黎~~
亦都可能係好驚佢不知不覺就死左......

唉......你話做姑娘幾慘呀.....俾你見到.....
想安慰又唔知講咩好，唔理佢又好似好殘忍.........

上個星期有三日去左人地GE WARD幫手~~~

被人賣豬仔真係有好有唔好~~~

如果落D5，半個娘家，咩都熟D，做起野上黎得心應手~~
而且都比較鐘意surgical，比較容易掌握~~~
無論係做runner定係揹team都比較有把握~~
而且D5夠忙，做做下野好快又放飯，好快又收工~~

如果去ICU/HDU.......嗯..
又唔會知係咩case...大佬，咁ill，分分鐘做錯少少野都係咁先~
但係ICU姑娘又忙到死，唔會交到更~~你又唔好意思擰個牌板慢慢睇~
唯有係咁幫佢做QH....QH Histix, QH BP/P/SAO2/RR/, QH foley, intake/output
 
......................................待續

以便以謝（Ebenezer）



以便以謝，到如今耶和華都幫助我們。
以便以謝，到如今耶和華都幫助我們。
以便以謝，到如今耶和華都幫助我們。
以便以謝，到如今耶和華都幫助我們。

祂是創造天地的主，在祂豈有難成的事，
來投靠祂，不要懼怕，看祂為你成就大事，

以便以謝，到如今耶和華都幫助我們。
以便以謝，到如今耶和華都幫助我們。

祂是創造天地的主，在祂豈有難成的事，
來投靠祂，不要懼怕，看祂為你成就大事。

今日約左3位男士唱K +睇戲~~~

嘩~自3月last day praticum ge通霄k後~~~~一路都無唱過
不過今日唱k lunch，時間太短~~好多歌都無唱到~~~
而且另外3位人兄都係好唱之人~~~~嗯~~~唔夠喉~~~

我記得以前唱k lunch，如果無人等，可以唱到2,3點~~
但係宜家一夠鐘就即停~~~好過份~~~~!!!!!!!!!!

之後hea左陣~~~再去睇 harry portter
如果買o個兩桶爆谷都係朱古力味就好~~~~~
唔使爭餐死，仲要將桶牛油棄屍荒野~~
至於套戲.......嗯.............真係緊張ge情節比較少~~~好多時間都講愛情
係有一幕好慘，忍唔住流左幾滴眼淚~~~~
不過trailer話影響到現實世界~~其實個focus都唔係o個度，有d奇怪~~
至於個故事好似無咩進展~~~~所有ge戲肉應該o係下一集~~

嗯~~~好耐無見ge3位男士~~~感覺依然一模一樣~~大家自f.7畢業到宜家3年，都無咩點變~~
好期待之後ge船河日，希望可以約埋7S其他人~~~~~